Framesby se eerste gholfspan het hulle baie goed van hulle taak by die SA-Skole toernooi vir Hoërskole gekwyt. Die toernooi is op die Kora Creek Estate Gholfbaan in Nylstroom van 3 tot 7 Augustus gehou. Ten spyte van droë toestande en blitsvinnige setperke, het die span, bestaande uit Michael Randall (Kaptein), Zahn Scholtz, Ferdi Röth en Hughie Moffat, hulself deeglik in die toernooi laat geld . Die toernooi is oor twee rondtes van 18 putjies elk beslis. Die sterkste skoolspanne van al die provinsies in SA was onder die 24 deelnemende spanne verteenwoordig. Tien spanne was van gholfakademie skole, wat die uitdaging om as gewone hoërskoolspan goed te vaar, nóg moeiliker
gemaak het. In die lig hiervan, het Framesby se gholfspan baie goed gevaar om die 19de plek in te neem. Die gholfspan behoort in die volgende twee jaar nog beter te vaar as in ag geneem word dat net Michael in matriek is. Hughie Moffat is Framesby se beste speler met tellings van 79 en 82.
Baie geluk aan ons SA-Skole deelnemers! Framesby is trots op julle!

Baie geluk aan Zahn Scholtz wat opgeneem is in die OP Dames Gholfspan wat vanaf 2 – 5 Junie by die Maccauvlei Gholf Klub in die Vrystaat teen ander provinsies gaan deelneem.

Framesby se gholfspan het laat in verlede kwartaal ‘n uitnodiging ontvang om aan die prestige Cape Schools-toernooi deel te neem, en die span het die kans met albei hande gegryp!
Hulle het al hul wedstryde gewen en onoorwonne uit die stryd getree. In die proses het Dantré Haasbroek en Michael Randall nie een van hul wedstryde verloor nie. Die spanuitslae is as volg: Klop Rondebosch 6,5 – 2,5, wen teen SACS 6 – 3 en wen teen Wynberg 9 – 0. Dis werklik ‘n uitstekende vertoning!
Intussen het ons yster-dametjie, Zahn Scholtz, uitstekend gedoen deur 36ste te eindig in Benoni waar al die sterkste vrouespelers in Suid-Afrika deelgeneem het. Sy is dan ook ingesluit in die OP-vrouespan wat in Oktober in Stellenbosch gaan deelneem. Baie geluk, Zahn!
Baie geluk!!

Dantré Haasbroek en Martin Swiegelaar  het die 27ste Januarie aan die Srixon EP amateur kampioenskaps toernooi wat op St francis links gholfbaan gespeel was... deelgeneem. Dantré het n briljante telling van 74 (2oor) en 79(7oor) gespeel en het 13de plek behaal uit 63 spelers wat almal ? voorgee van 9 en minder het. Dantré het (153 ) houe gespeel oor 36 putjies en die afsnypunt was (164 houe) en sal die 3de,4de Februarie aan die volgende rondte van die kompetisie deelneem. Martin het ongelukkig die afsnypunt met 5 houe gemis.
 
2 ander van ons eerstespan gholfers Martin Swiegelaar en Michael Randall het op die 28ste Januarie aan die Bridge fund toernooi deelgeneem wat op PE gholfclub gespeel was en het briljant gevaar. Martin het 5de geeindig [76](4 oor baansyfer ) en Michael 6de geeindig  [77](5 oor baansyfer ) uit 40 goeie gholfers. n Briljante prestasie vir ons Framesby gholfers...
 
Sterkte aan al Framesby se gholfers vir 2018 en mag julle wondere verrig!