Vier van ons musiekleerders het puik uitslae in die Royal Schools musiekeksamen behaal: Heila Oosthuizen 91% vir klavier graad 2 (onderskeiding), Carla Gouws 85% vir dwarsfluit graad 5 (meriete), Elmien Hartslief 81% vir dwarsfluit graad 3 (meriete) en Micaela Meyer 82% vir dwarsfluit graad 2 (meriete). Nog drie van ons musiekleerders, Incke Conradie, Natasha Labuschagne en Nadine Botes, het tydens die Septembervakansie aan die Oos-Kaap Jeugblaasorkes deelgeneem. Leerders moet op 'n minimum graad 4-vlak wees om 'n oudisie vir die orkes af te lê. Ná 'n week van baie harde werk, het die orkes Sondag 'n puik konsertuitvoering in die NMU Suid-Kampus ouditorium gelewer. Ons hoop dat nog meer orkeslede in die toekoms van hierdie geleentheid gebruik sal maak.