Framesby se gholfers glimlag breed na 'n suksesvolle toernooi. Die toernooi is oor die naweek van 14 - 16 Februarie op die Fynbos gholfbaan te Eersterivier gespeel.

Die toernooi word oor 45 putjies beslis: Beurtspel en Parespel op Saterdag (27) en enkelspelwedstryde (18) op Sondag. Spelers speel vanaf 0 voorgee op die Stableford puntetoekenningsmetode. Na afloop van Saterdag se wedstryde was Hoërskool Port Alfred die voorloper met 100 punte en Framesby en Daniël Pienaar gesamentlik tweede met 'n totaal van 91 punte. Die finale uitslag na Sondag se wedstryde is:Port Alfred 185, Framesby 183 en DP 174.
Baie geluk aan Framesby met die mooi terugvegpoging, maar ook geluk aan Port Alfred wat onder groot druk genoeg gedoen het om te kon wen.