"WAAR POTENSIAAL VERWESENLIK WORD!"
  041 360 1257
Month:
Author:
Category:
  Search

FRAMESBY GHOLF VERTOON GOED BY SA-SKOLE TOERNOOI!

BY M Snetler

Framesby se eerste gholfspan het hulle baie goed van hulle taak by die SA-Skole toernooi vir Hoërskole gekwyt. Die toernooi is op die Kora Creek Estate Gholfbaan in Nylstroom van 3 tot 7 Augustus gehou. Ten spyte van droë toestande en blitsvinnige setperke, het die span, bestaande uit Michael Randall (Kaptein), Zahn Scholtz, Ferdi Röth en Hughie Moffat, hulself deeglik in die toernooi laat geld . Die toernooi is oor twee rondtes van 18 putjies elk beslis. Die sterkste skoolspanne van al die provinsies in SA was onder die 24 deelnemende spanne verteenwoordig. Tien spanne was van gholfakademie skole, wat die uitdaging om as gewone hoërskoolspan goed te vaar, nóg moeiliker
gemaak het. In die lig hiervan, het Framesby se gholfspan baie goed gevaar om die 19de plek in te neem. Die gholfspan behoort in die volgende twee jaar nog beter te vaar as in ag geneem word dat net Michael in matriek is. Hughie Moffat is Framesby se beste speler met tellings van 79 en 82.
Baie geluk aan ons SA-Skole deelnemers! Framesby is trots op julle!

 August 20, 2019
Comments (0)
Gholf
M Snetler

Leave a comment

Hou my op datum?
U boodskap sal eers na goedkeuring vertoon.

Hoërskool Framesby:  "Waar potensiaal verwesenlik word"

Nec-eastcapesmall
Klinicare-logo
Nutritech-1
Puma-logo-f9e13b654c-seeklogocom
Sunridge-superspar

OK / Close