Gedurende die afgelope Julie vakansie is van ons leerlinge opgeneem in OP-spanne wat die provinsie verteenwoordig het by die landswye Interprovinsiale Toernooie.

Die o.14 groep het na Johannesburg getoer waar Anli Thiel die besondere prestasie behaal het om 3de op die SA Ranglys geplaas te word vir dogters o.14.

Die o.16 groep het in Oos-Londen gespeel. Ansunel van Rooyen het in die OP B-span gespeel wat 'n 3de plek vir die provinsie in hierdie afdeling behaal het. Warren Bower was opgeneem in die A-span wat die brons medlaje gewen het. Warren het verder daarin geslaag om die 9de posisie op die SA Ranglys vir seuns o.16 te verwerf.

Die o.19 groep het in Stellenbosch deelgeneem. Anchen Bosch was deel van die dogters A-span wat goud gewen het. Dewald van Niekerk het in die A-span op die nommer 1 posisie gespeel en is na afloop van die toernooi op die SA Ranglys in die 7de posisie vir seuns o.19 geplaas.

Die SA geslote Muurbal kampioenskap is onlangs in Johannesburg gehou en drie van Framesby se leerlinge het hieraan deelgeneem  en besonder goed presteer:

Anli Thiel het 4de geëindig vir dogters O/14

Warren Bower was 12de in die seuns O/16 afdeling en

Dewald van Niekerk het 'n 6de plek behaal in die seuns O/19 afdeling.

 
Baie geluk aan hierdie leerders.

Op 6 Maart het ons 1ste span in die finaal van die "Top Schools" toernooi teen Kingswood, in Grahamstad gaan speel.  Die uitslag van hierdie wedstryd sou bepaal wie die Oos-Kaap by die nasionale toernooi in Pietermaritzburg sal verteenwoordig.

Ongelukkig het ons die stryd  2 - 3 verloor maar ten spyte van dié uitslag is ons baie trots op ons seuns wat o.a. vir Grey verslaan het.

Knap gedaan aan die Mev. Sonja Tait en haar span wat uit die volgende seuns bestaan:

Dewald van Niekerk, Conré van Zyl, Warren Bower, Stephen Tait, Jako Fourie en Anru Emiljo.