LAERSKOOL NOORD VERTONING
Wat n voorreg om 3 formidabele aktrises en hulle uitstekende verhoogbestuurder by H/s Framesby te kon verwelkom. Die middag is afgeskop met n gesprek met H/s Framesby se dramaleerders, waarin hulle bietjie meer oor Margit Meyer-Rödenbeck, Marion Holm en Ilne Fourie se loopbane en ondervinding kon uitvind.
Daarna het die leerders insiggewende vrae oor toneelspel en die industrie gevra en baie baat gevind by die gesprekke rondom dit. Die aand het die gehoor van 255 gelag dat die trane rol oor die drie laerskool juffrouens se manewales en maniërismes. Dit was 'n prettige kultuur hoogtepunt op ons kalender.
SKOOLHOOF
Mnr Germishuys
![Marius-germishuys Marius-germishuys](images/losless/2039/320/marius-germishuys.jpg)
Oor die afgelope 25 jaar het Mnr. Germishuys in verskeie rolle by verskillende skole opgetree. Hy het 1994 by Hoërskool De Vos Malan as onderwyser begin en is in later jare bevorder tot departementshoof en adjunkhoof. Sy kwalifikasies sluit in : HOD (Handel) KT4, B.Tech (Handel) en VDO (Rekenaarstudie).
Mnr. Germishuys is met Annel getroud en het een dogter, Marné. Hy is ‘n gesinsmens en bring graag tyd, waar moontlik, met sy familie deur. Mnr. Germishuys glo dat die omgewing waarin leerders opgevoed word ‘n kardinale rol speel in hul ontwikkeling en dat hierdie omgewing dissipline, kennis en integriteit as hoekstene moet hê.
![Achievements Achievements](images/losless/2551/1024/achievements.jpg)
Framesby kry wye erkenning
![Img3398 Img3398](images/losless/2524/1024/img3398.jpg)
Die Skoleondersteuningsentrum SOS ken ‘n eretoekenning aan Hoërskool Framesby vir die Top Afrikaanse skool in die Oos-Kaap toe.
202 onderskeidings
176 Baccalaureus-graadtoelatings
19de Nasionale posisie onder alle enkelmediumskole
Framesby is ook deur die Oos-Kaap departement as die topskool in Oos-Kaap aangewys.
FRAMESBY BARS VAN TROTS!
TOP AKADEMIESE SKOOL MET DIE TOP LEERDER IN DIE OOS-KAAP
Hoërskool Framesby as top akademiese skool in Oos-Kaap en Heila Oosthuizen as die topleerder in die Oos-Kaap aangewys.
![420983144883439687125641630959999431855264n 420983144883439687125641630959999431855264n](images/losless/2522/1024/420983144883439687125641630959999431855264n.jpg)
mnr en mej framesby 2024
![Dmp8741. Dmp8741.](images/losless/2536/1024/dmp8741.jpeg)
Meneer Fotogenies - Ethan Gunn
Meneer Persoonlikheid - Juan Grigor
Tweede Prins - Ryan Rousseau
Eerste Prins - Juwan Wium
Meneer Framesby - Lafras Aylward
Mejuffrou Fotogenies - Chanté Kotze
Mejuffrou Persoonlikheid - Lené Barnard
Tweede Prinses - Carmen Delport
Eerste Prinses - Annica Botha
Mejuffrou Framesby - Marie-Louise Strydom
KLub 1000/100
Sluit aan by Framesby se Klub 1000/100 en word deel van ‘n skool van uitnemendheid. Na vele navrae van ons alumni is die konsep van dié Klub gebore. Klub 1000/100 gee almal die kans om steeds betrokke te wees by die skool en die blink toekoms daarvan te verseker. Dit maak nie saak of jy nog in Suid-Afrika of oorkant die waters bevind nie. Jy kan ‘n bydrae maak!
’n Maandelikse bydrae van R100 kan in die Framesby Opvoedkundige trust gedeponeer word. Hierdie trust word aangewend vir die welstand en vooruitgang van die skool. Die fondse sal deur die Trust bestuur word. Die aanwending van die befondsing sal bepaal word deur die skool en die Trust se komitee. Daar sal elke jaar ‘n finansiële verslag deurgegee en geoudit word. Die proses is dus deursugtig en lede kan sien hoe hul skenkings aangewend word.
PROSES OM BY DIE KLUB 1000/100 BETROKKE TE RAAK
1) Laai aansoekvorm van Hoërskool Framesby se webtuiste af.
2) E-pos voltooide vorm na rterblanche@framesby.co.za
3) U naam sal weekliks in die Fakkel-Flitse onder Klub 1000/100 lede verskyn.
4) Hou ons groeiende barometer dop. Dit sal op die voorblad van die Fakkel-Flitse verskyn.
Dankie aan oudleerders, ouers, onderwysers en passievolle ondersteuners vir u bydrae.
![untitled-1 untitled-1](images/losless/2502/1024/untitled-1.jpg)
FRAMESBY VERWELKOM NUWE JUNIOR RUGBYHOOF
Framesby verwelkom vir Renier de Villiers.
Ek is in Oudtshoorn gebore en het in 2008 by Hoërskool Outeniqua gematrikuleer. Ek het Sportwetenskap aan die Universiteit van Stellenbosch gestudeer. Ek het my nagraadse onderwys deur Unisa voltooi. Ek is getroud met Joey de Villiers en het twee pragtige kinders, Jaan-Mari (4) en Christof (1). My nuwe portefeulje is hoof van Junior Rugby by Framesby.
Ek het vanaf 2015 - 2019 by HTS Drostdy in Worcester gewerk. Ek was hoofafrigter van die 1ste rugbyspan. Werk van 2020 tot nou by Hoërskool Waterkloof as hoë-prestasie bestuurder - Rugby. Ek is ook die assistent/agterlyn afrigter van die 1ste rugbyspan.
Spanne afgerig:
Dagbreek Manskoshuis, Stellenbosch - 1ste rugbyspan 2014, HTS Drostdy 0.15A asook hoofafrigter van die 1ste rugbyspan 2015 - 2019, Boland 0.16 Grant Khomo 2017, Boland 0.18 Cravenweek 2019, Boland 0.17 7’s 2016 - 2018, Hoërskool Waterkloof assistent/agterlyn afrigter 2020 - 2023, Blou Bulle 0.17 assistent/agterlyn afrigter 2023, Blou Bulle Skole - hoë prestasie afrigter 2022/23
Spanne gespeel:
Hoërskool Outeniqua 0.14A, 0.15A, 0.16A asook 1ste span 2007 en 2008, SWD Grant Khomo 2006, SWD Cravenweek 2007 en 2008 WP Rugby Instituut 2009, Maties Rugby 2010 - 2012, Dagbreek Manskoshuis 2010 - 2013.
![image5. image5.](images/losless/2509/1024/image5.jpeg)
ZANRI, SUID-AFRIKA SE 0/19 400M-HEKKIES KAMPIOEN!
ZANRI IS PURE GOUD!!
Zanri Black het by die SA-Skole Atletiek Kampioenskappe die 400m Hekkies vir o/19 Dogters in ‘n spogtyd van 1:00.18 gewen. Sy het nie net ‘n persoonlike beste tyd opgestel nie, maar het ook die wedloop op ‘n drafstap gewen en met meer as 2 sekondes voor haar naaste teenstander geëindig. Dit is voorwaar ‘n prestasie om op trots te wees. Benewens die goud in die 400m Hekkies, het Zanri haar veelsydigheid bewys en ‘n brons medalje in die 400m verower.
![fakkel-flitse299-hr-1 fakkel-flitse299-hr-1](images/losless/2484/1024/fakkel-flitse299-hr-1.jpg)
OPEAAND 2023
MEER AS 340 GRAAD 7'S WOON OPEAAND BY.
OPEAAND 2023
Spieëltjie-spieëltjie aan die wand.. Wie is die beste skool in die land?... Framesby!
Framesby se opeaand tema vir dié jaar was feëverhale. Van sneeuwitjie, aspoestertjie tot Aladdin en Jasmine het die leerders by
elke toerstasie vriendelik ontvang. Soos almal nou al teen die tyd weet, gaan Framesby “all out”. Van die uitnodigings tot die saal
en ingangsportaal word mooi volgens die tema opgemaak. Elke toerstasie het met ‘n verskillende feëverhaal-karakter gespog.
Meer as 340 leerders het op Dinsdagmiddag ’n toer deur die skool geneem. Teen 18:00 was die saal stampvol en toe het die verrigtinge afgeskop. Mrs. Potts, Chip, Belle en die ondier (mnr. Germishuys) het die vermaak verskaf en Framesby se koor het ‘n pragtige vertoning gelewer. Elke spreker was ook volgens die Beauty and the Beast tema aangetrek. Na die verrigtinge in die saal het die ouers na die pawiljoen verdaag waar die graad 7’s hul dans (wat hul deur die loop van die dag geleer het) opgevoer het.
![dmp7838 dmp7838](images/losless/2475/1024/dmp7838.jpg)
![2023-uistslae-high-res 2023-uistslae-high-res](images/losless/2470/1024/2023-uistslae-high-res.jpg)
Die burger - 13 april 2021
Artikel oor Ellen Myburgh in Die Burger.
![Afrikaanssentraalooskaap-pez13042021003pezos-dieburger Afrikaanssentraalooskaap-pez13042021003pezos-dieburger](images/losless/2342/1024/afrikaanssentraalooskaap-pez13042021003pezos-dieburger.jpg)
HOëRSKOOL FRAMESBY – NUWE ALLESOMVATTENDE TUISTE!
Dié hartklop van Hoërskool Framesby! Die nuwe studentesentrum word die kuier- en studieplek vir leerders.
![Framesby-03 Framesby-03](images/losless/2307/1024/framesby-03.jpg)
Die groot gewerskaf begin Januarie 2021. Argitekte, Mark Bradshaw en Shaun Ward van Bradshaw Architects, werk nou saam met verskeie rolspelers om te sorg dat die projek teen Junie 2021 voltooi is. Die studente-sentrum sluit aan by die rééds voltooide Astro-hokkiebaan en die opgeknapte netbalbane. Die kafeteria sal ná die sportaktiwiteite ‘n heerlike lafenis vir moeë en seer lywe wees.
Die studentesentrum bestaan uit drie fasiliteite, nl. ‘n kafeteria, studie – en media-sentrum. Die kafeteria sal nie net aan die leerders vanaf 06:00 – 18:00 ‘n diens bied nie, maar ook aan ouers. Terwyl leerders besig is met hul naskoolse aktiwiteite, kan ouers op die patio heerlike koffie geniet. Leerders kan ook hier tussen die naskoolse aktiwiteite iets nuttig of saam aan take werk terwyl Hoërskool Framesby se eie radio- stasie agtergrondmusiek verskaf. Vir studente wat in stilte met hul akademie wil voortgaan,is die studiesentrum met afsonderlike werkstasies tot hulle beskikking. Die huidige mediasentrum verskuif na die studentesentrum sodat toegang tot navorsings- en kopieerfasiliteite makliker beskikbaar is.
Wat die uitbreiding van die bestaande kurrikulum betref, word die invoer van die vakke Meganiese Tegnologie en Elektriese Tegnologie ook in die vooruitsig gestel.
Die studentesentrum sal definitief die lewensaar op Hoërskool Framesby se skoolgronde wees – ‘n tuiste weg van die huis.
LAERSKOOL NOORD VERTONING
April 15, 2024 | BY M Snetler![](images/losless/undefined/1024/image1.jpeg)
Hoërskool framesby
Virtuele toer van hoërskool framesby
LAERSKOOL NOORD VERTONING
April 15, 2024 | BY M Snetler![](images/losless/undefined/1280/image1.jpeg)
LAERSKOOL NOORD VERTONING
Wat n voorreg om 3 formidabele aktrises en hulle uitstekende verhoogbestuurder by H/s Framesby te kon verwelkom. Die middag is afgeskop met n gesprek met H/s Framesby se dramaleerders, waarin hulle bietjie meer oor Margit Meyer-Rödenbeck, Marion Holm en Ilne Fourie se loopbane en ondervinding kon uitvind.
Daarna het die leerders insiggewende vrae oor toneelspel en die industrie gevra en baie baat gevind by die gesprekke rondom dit. Die aand het die gehoor van 255 gelag dat die trane rol oor die drie laerskool juffrouens se manewales en maniërismes. Dit was 'n prettige kultuur hoogtepunt op ons kalender.
DRIEKAMP
April 15, 2024 | BY M Snetler![](images/losless/undefined/1280/whatsapp-image-2024-04-08-at-1901594c606359.jpg)
Tiaan Peens het die naweek aan die African Cup Driekamp byeenkoms in Port Elizabeth deelgeneem. Hy het 15e van 29 deelnemers geëindig wat van regoor Suider-Afrika kom.
Dit is voorwaar ‘n uitsonderlike prestasie om in internasionale geselskap so goed te presteer.
FRAMESBY SE LANDLOOP ATLETE LEWER BLINK VERTONINGS BY DIE ABSA RUN YOUR CITY 10KM
April 15, 2024 | BY M Snetler![](images/losless/undefined/1280/whatsapp-image-2024-04-08-at-13404124ef4d64.jpg)
FRAMESBY SE LANDLOOP ATLETE LEWER BLINK VERTONINGS BY DIE ABSA RUN YOUR CITY 10KM
Hoërskool Framesby se landloop atlete het in hul massas opgedaag en uitstekend presteer in die Junior Afdeling se span- en individuele kompetisies.
Die dogters spanne het briljant gedoen met die A-span wat die spankompetisie gewen het, en die B-span wat die 2e plek behaal het. Die seuns het ook baie goed presteer en die A-span het ‘n 2e plek behaal, die B-span 3e en die C-span wat 4e geëindig het.
Ilke Wolmarans het ‘n 2e plek behaal in die Junior dogters afdeling met ‘n tyd van 44:16 vir die 10km. Dallian Oerson het ‘n 4e posisie behaal in die junior seuns afdeling met ‘n tyd van 35:45.
Ons sien uit na die komende seisoen onder leiding van Juf. Cronje, want as die deelname en die uitslae so goed is, kan
dit net ‘n baie baie goeie landloop seisoen wees.
VINNIGE NAVRAAG
Voltooi en stuur
KONTAK INLIGTING
Fisiese Adres:
Cornelialaan, Framesby
Port Elizabeth
6001
Posadres:
Posbus 28065
Sunridgepark, 6008
Kontak:
Tel: (041) 360 1257
Faks: (041) 360 7787
E-pos:
Algemene navrae - skoolhoof@framesby.co.za
Bemarking: mediasentrum@framesby.co.za
Sport: cscriven@framesby.co.za
Facebook: Hoërskool Framesby
BELANGRIKE INLIGTING
Vinnige skakels
Hoërskool Framesby: "Waar potensiaal verwesenlik word"
![Nec-eastcapesmall Nec-eastcapesmall](images/losless/2194/320/nec-eastcapesmall.jpg)
![Klinicare-logo Klinicare-logo](images/losless/2195/320/klinicare-logo.png)
![Vox-green-logo-vector-1 Vox-green-logo-vector-1](images/losless/2348/320/vox-green-logo-vector-1.png)
![Puma-logo-f9e13b654c-seeklogocom Puma-logo-f9e13b654c-seeklogocom](images/losless/2197/320/puma-logo-f9e13b654c-seeklogocom.png)
![Sunridge-superspar Sunridge-superspar](images/losless/2198/320/sunridge-superspar.png)
![IT Design IT Design](images/itdesignlogo.png)